Æ Thybomools Dåe 2014 (11/10 2014)

Æ Foening Fo Thybomool holdt d. 11/10 "Æ Thybomools Dåe" fo ajen oe i træk. En 45 te 50 mennesker wa kommen fue å høe Svend Ejler å Inger å Ulla spell nøj musik hæ fræ æ egn. Dæ bløw åsse fotal histårier a Jens Jørgen Olesen å Inger Rasmussen løst en degt a Jens. Søe. Æ nejstformand (Christian) holt en foredrag om Erik Bertelsen å ajer forfattere fræ Thyk, å wi sang åsse nu sang å nu degte fræ Thyk. Dæ bløv åsse tik te en kop kaafe å nøj got kåg å en snak mæ æ sijmand. Wi gleer wos te å fejr "Æ Thybomools Dåe" ijen i 2015! 

Belleder: https://www.facebook.com/thybomaal/photos_stream 

 

Æ Foening Thybomo’l sejer tak fo en fijkn arrangement i Vorupør (d. 6/9 2014)!

 

Mie Buus fræ Thisted Museum sna’ke om føø i æ kystbyjke igjemmel æ tier. Ibåge’ter kam jen fræ Niels & Sinnes Univers å fotåll om æ båggrund å æ udsigte fo æ fremtijk fo Niels & Sinnes Univers.
 
Bilder fræ æ arrangement:

 
 
Dialektkonsert mæ Niels Kanstrup
 
Æ thybo Niels Kanstrup kam te Thisted Bibliotek den føøst lørda i æ puuskferie (d. 12. aprikl) æ klo'k 11-13 å gijke en koncert o dialekt. 

De bløw en e'termejda, hwor æ thybomo'l war i centrum å mæ ajer lignende å skjønn sprog omkring sæ, foeksempel rigsdansk å engelsk. Niels Kanstrup er ægte thybo, fø'j å wuvst op tæt po Østerild. Han hå godt nok løwwe hele hans wovsenlyw po Djursland. Hans profession er biolog, å som musiker er han hel igjemmel amatør, å de betyjer, at han fræ enn te åån er styye a æ glee we musik. Æ program fo æ e'termejda war hel igjemmel te ære fo Æ Foening Fo Thybomool å hå et faar wæt opfø'j po den mååd. De bløw en samling viser, digte å fotællinger mæ udgangspunkt i de nord- og nordwestjyske, å hajle i de mjest om Thyjk å thybomool. De, han kam mæ, gjik lii fræ Johan Skjoldborg øwwer Hans Bakgaard te Niels Hausgaard.

Æ Foening Fo Thybomool sæ`e tak fu æ frem-møed te æ dialektkoncert d. 12/4 2014 mæ Niels Kanstrup.
De wa en sjow å underholdende koncert, som wi møj jae will gjenta i æ fremtikk.
 
Bilder fræ æ konsert:

Den 23. marts 2013 ha'j æ  forening Thybomol si føst komsammen og det wa i Sydtyk. Æ tuke begyen po Ydby feistplads, vi wa wal 20 menske te ste. Jonna Krag Møller  fotal' lidt om Cirkus Miehes histårje. Bågette kø vi te Heltborg Museum. Vi hålt manne gång på vej dæhen, for å høe nøj om den lokal' landskab å  histårje, det var æ nejstformand dæ stow for det. Po Heltborg Museum fik vi kaffe og kåg, og æ dåe æn mej at  Jens Jørgen Olesen fortal' en bette smuel om Hans Bakgård. Vi seje manne tak for en rigti gue dåe

 

Æ bilder fræ æ dåe ka sikes hæ nejenunder: 

Bilder fræ Æ Thybomools Daw 2013 (fræ Plantagehuset i Thisted d. 12. oktober 2013): 

Bilder fræ æ generalfosamling 7. januar 2014 po VUC Thy-Mors i Thisted: 

Hjemmeside fra e-hjemmeside.dk